যে মরে পেদঅ বিদিরে দোলেদালেন দশ মাস রিগিয়ে যে মত্তেই কেলচ রে মানি নেজিয়ে যে মরে জনম দিনেই পিত্তিমিয়ান দেগিয়ে যে মরে জনমান আল্লেং গরি যিয়ে যে মর গু-মুদর হাবর দো দিয়ে যে মরে হিয়ে দুলি দিদি গাধিয়ে যে মরে হিরিংহিরিং দোলনত অলি ডাগি ঘুম নেজিয়ে যে মরে শিব শরন, তান্যেবির লামা শুনিয়ে যে মরে হবি ডবির পচ্ছন শুনিয়ে যে মরে জুনো পহরত ধুদুক বাজে শুনিয়ে যে মরে পল্লে অঝা পাঠর আং শিগিয়ে যে মরে বাজিবাত্তেই বুকর দুধ হাবিয়ে যে মরে নিত্য দোল স্ববন দেগিয়ে যে মরে আগ্গুয়ানার পত্তান দেগিয়ে যে মরে আঘরতারা ননিয়ে গরি শিগিয়ে যে মরে নহে নহে হেবার জিনিস রাগেদিয়ে যে মরে আথ্যা, অজবা বাজ ন মাদিবার হুয়ে যে মরে আরছাল্লুয়া ন অবাত্তেই হুয়ে যে মরে আল্গেতিনাঙ ন অবাত্তেই বত্তা দি যিয়ে যে মরে আলাবেলাত্তুন ধরি দুগ পেনেই পালিয়ে যে মরে ইজিবিজি, আবা আবা, কভাযাং শিগিয়ে যে মরে ভাত জোড়া তৈল তৈল হোনেই হাবিয়ে যে মরে কজ, মশা, পুগির হামর হানাত্তুন বাজিয়ে যে মরে গরম হালত বিজোন বিজি দিয়ে যে মরে গিল ধক আহর দিনেয় রাগিয়ে যে মরে দেবা হালা গরিলে ডাগি ডাগি তোগিয়ে সিবে মর মা, সিবে মর মা। Date: International mother day, 2012.
