কলি যুগর হোচপানা। দীপক চাক্‌মা

Print Friendly, PDF & Email

মানজেত্তুন নাম্বার লনেই
কল দিনেই হোদা হনা,
মিদে মিদে গব দিনেই
ফ্রেন্ডশিপ অনা।
রেত তিয়ে হোদা হনেই
এস এম এস লেগানা,
এদিক্কেন গরি দু’জনর অয়
কলিযুগর হোচপানা।

বই-কলম হিনিম হনেই
মা-বাবত্তুন টেঙা লনা,
সেই টেঙালোই জু’অয়
লাঙ লাঙনিরে গিফ্ট হিনি দেনা।
পার্কত যেনেই নেক মোকও ধক
ধরা ধুয্যে গরিনেই বেড়ানা,
লাজ সরম পুরি ফেলেনেই
মানুষ চোগত ন বাজানা।
মিদে মিদে গব দিনেই
হিদিক হিদিক আজানা,
সুযোগ পেলে কেমেরালোই
একসমারে ছবি তুলানা।
নামি দামি জাগাত যেনেই
চাইনিজ বিরানী হানা,
ইয়ানিরে হয়দে
কলিযুগর হোচপানা।

মোবাইলত সীম বদলে
নানান লগে লাঙ গরানা,
মিজে হোদা হোই হোই
টাইম পাস গরানা।
দজশো বাজি এককো তোগান
যিবে হবালত তাই,
শেষনদি বেক্কুন আরেনেই
ওন গায় গায় ।
ভাত পানি ন’হেনেই
হানি হানি দিন হাদান,
পাগল ধক গরিনেই
ইন্দ উন্দি বেড়ান।
লাজ সরম পুরি ফেলেনেই
নিলোজ নিলোজ হদা হোনা,
দোলেই দালেন ন ভাবিনেই
মানজে লাঙত পরানা।
লেগা পড়া বাদ দিনেই
নেক মোকর মন অনা
ইয়ানিরে হয়দে
কলিযুগর হোচপানা।

Share This Post

Post Comment

This site uses Akismet to reduce spam. Learn how your comment data is processed.