চাক্‌মা কবিতাঃ- হাগাড়াছড়ি, লিখেছেন বুদ্ধ জ্যোতি চাক্‌মা

হি এদক দোল এলে তুই ও হাগাড়াছড়ি,
রুবে রঙ্গে এলে তুই আমা মনত জুড়ি।
জুম গুরিনে পেদং আমি বাড়েং ভরন ধান,
সে লগে তোনপাত আরঅ পেদং নানাগান।
মুড়ো উগুরি বুজিনে আমি গেদং উবঅগীত,
বুয়েরঅ লগে জুরে জেদঅ আমা পরান চিত।
চিগোন ছরাত ছরা ইজিদং পাদিনে পাদি লুই,
লারে লারে বাঙালুনে হারি ললাক আমা বুই।
বাঙালুনে আমা জাগাত ইক্কু তুলি আগন ঘর,
হোই নপারির মনে হলে মগধা জাগা লড়।
আগেদি আমা হাগাড়াছড়ি এল হদক দোল,
নিত্তু ইক্কু বাজেদে বানা চাঙমা বাঙালে হোল।
আগঅ দুক্কি হাগাড়াছড়ি হেনে ফিরি পেবং?
নিত্তু চিদি থাইদি মনত হোল বাজিলি হুদু ধেভং?