মনত দুগে মরঙর মুই
হি আর আয় হোম
ইক্কু এক্কা মুজঙত পেদুং
দাঙর গ্রেনেড বোম
হিঙিরি পুদান সেই বোমুন
এক্কা যোগা সেদুং
পুদানি লগে এক্কুয়ারে
স্বর্গ সিদু যেদুং
হাত্তুন আঘে গ্রেনেড বোম
থেলে মরে দোনা
টেঙা পুইজে দিম তোমারে
দিম আরও সোনা
যদি পাত্তুং বুক্ক পারি
হুলি দেগেদুং
ম মনানর হস্তয়ানি
তোমারি বুঝেদুং
এদকগুরি রাগেবার চাং
শক্তগুরি মর পরানান
বিদিরে বিদিরে আঙে বানা
হবালপড়া মনান
ভাত পানি ন রুজে মর
ঘুম ন এজে মর
ভাবি ন পারঙ হি এদক
ওলুং মুই হিত্তেই পর
মনানে হয় এ সংসারত
আর ন তেবার
মনত দুগে এক্কুয়ারে
নাক দি মরি যেবার
এদক হেনে জালা হিজেনি
ন জুরায় মর বুক
আর হদক এ জিংহানিত
পেম মুই দুগ।
