হন এক আন্ধার সুরুঙোত আদি যানা ধক
আদি যাঙর জিরেন নেয়ে অক্ত লগে,
ফেলে এজসে দিনুন ম লগে নেই
হবর নপাং এজ মুজুঙে হি আগে!
মুই থে আগং হন এক গাজ ধক
শিঙোর হুবি বিজগর উগুরে,
ইয়ানোই পত্থম মর
বানাঙর পথ যিয়ান এব মুজুঙে।
গোরগোজ্জে পানি নাল সান এ জিংহানিত
বানা বে যানা
দোকদোক্কে রাঙা বেল সান এক মোক্কে
বানা এক পধে আদানা।
এ অক্ত এক মোক্কে পধর হন আন্ধার সুরুং
আদি যানা বানা মুজুঙে নেই হন ফিরেনা,
ইক্কুনুই অল পত্থম!
হি চাং মুজুঙে? ই্ক্কেই সময় জুগোল অনা!
১৬/১০/২০১৪
“অক্ত”(সময়)
