তরে দেগানার পর,
জার হালত চিক চিক্কে ম’ন উদনত,
মৌন ফারি পাদা চিরি রাঙা বেল পহর
পুরি, ঝিমিত ঝিমিত গুরি শিরো পানি পহর ফুদো
হক্কে হিরে ওই ঝুরিলো, বুঝি নবারং।
তরে দেগানার পর,
ঘুম নেয়ে চোগোত রাঙা হালা স্ববন,
হেই বান্যা দেবালানিত রাঙা ফুল ফুদি,
ঝোলগা ঝোলগা গাবুর ফাগুনো আভাত
সাধচ্চে পিত্থিমি হক্কে স্বর্গপুরি সাজিলো,বুঝি নবারং।
নোনাবি তরে দেগানার পর,
উবোমরা গাজত হোর উদিনেই,
হুঝি পাদা সেরে হোগিলোর মিদে গীত
শুনি,চিত নভিচ্চে এগেলা জিংহানিত
হক্কে চিত ভিচ্চে আভা বে যেয়ে, বুঝি নবারং।
মিগুলো দেবাবোর মেঘ হাদি যেই
স্ববনর জাল বুনি যেক্কে রান জুনি পেল,
নিরোজ চিদে আওজে আহ্জার দুনো বারি
অজলত, মেঘপুদি সমার আগাজর তারা অল।
নোনাবি তরে দেগানার পর,
হোরান’অ বুগোত পল তানজাঙর ধার,
বুদুলি গেল বেক পথ,দোল চুলো বাহার,
গাজ্তে ‘র’ নিলোজ গিদে সুর তুলে ভারি মিদে,
অঝার ধজ্জে অ’ল দান্দারেচ্চে চুগুনো ভিদে।
মেয়ে ভরন আঝিবোই পরান,হারি নেজাই
মনান,তর আলামত তুল্লে হিয়ে গরন,
নোনাবি!তরে দেগানার পর,
হক্কে বুদুলি যেয়োং মুই,বুজি নবারং।
—————————————
হোর উদোনা = Nuo guri jeda ona.
হেই বান্যা = Jol banya(sheola dhora).
তানজাঙর = water fall(Jhorna)
ধার = Pani srot.
