|| পাত-তু-রু তু-রু ||

যা হিজু গম,
দোল এক্কান মন,
বেগর ভালেদি সবন,
বুদ্ধি নাংঅর ধন,
পাত-তু-রু তু-রু।

যা হিজু ভালেদোর,
যুদি লাগে আনুদোর-
নেই মন মানেয়োর,
গরদে ভারি দুগোর,
সে হামানিরে হংঅর,
পাত-তু-রু তু-রু।

মুরো’উনোর হুজি এহেল,
গেন-গোরোনির লগে ভেইল,
অহক হোদার সমত,
জাত ভালেদি হামত,
দোক-দোক্কে বেল পহর
রিদি-সুদোমর সজ্পদর।
পাত-তু-রু তু-রু।

সিরো পানি’র পহন ফুদো,
যে পুজোর পেবাত্তে উদো!
বুক পাদি যে মরন,
সাওজোর দোল গরন,
তানজাং’অর দাঙর গং,
গম চিদের দোল মন
পাত-তু-রু তু-রু।

————————-
পাত-তু-রু তু-রু = Wellcome.
গেন-গোরোনি = Wise man.
ভেইল = Time pass/keep abreast of the time.
সমত =Vow/promise.
সিরো পানি = Dew.
পুজোর = Question.
রিদি-সুদোম = Culture-Tradition.
সজ্পদর = Instrument/element.
তানজাং = water fall.