“আর চিগোন হিজুত্তে”

Print Friendly, PDF & Email

দামি হিজু নয়
ডাঙর হিজুও নয়!
মুই বাজি ধুরিম
চিগোন হিজুত্তে-
ফেলাসেলা হন এক লাজুরি ফুলোত্তে।

হন সুগোত্তে নয়
হিজু বোদোলে দিবাত্তেও নয়!
মুই লারেই গুরিম
আর সিগোন হিজুত্তে-
হুজি ধান গাজত এক ঝোলগা বোয়েরত্তে।

হন ক্যানভাসত নয়
ওঝার হন দেবালত ও নয়!
মুই ছবি আগেম
হানক্কন্নে মেঘ পিদোত-
তুম্বোল এজে যিদু সে চর-হোরোলিত।

দুর বামত নয়
দুর হন দেজত এ নয়!
মুই দোল তোগে লোম
হায় হুরে হন ভুয়োত-
এক ফুদো শিরোপানি ফুদোত।

হিজু পেবাত্তে নয়
হিজু দিবাত্তেও নয়!
মুই জিংহানি হাদেম
সিগোন ইক্কো লামাত-
এগেলা বাগানত হন ফুল ফুদোনাত।

সুগোর হন ধয্যাত নয়
অহুর মানেয়ো ঝাগত ও নয়!
মুই আঝি যেম
চিকচিক্কে হার মনত-
বর অক্তর হালা মরঙত।
৩১/১০/২০১৪

“আর চিগোন হিজুত্তে”

Share This Post

Post Comment

This site uses Akismet to reduce spam. Learn how your comment data is processed.