ডাংডাং এ শুগুনো রোদ
মুজুঙে লাম্বা পথ
মাধা রক্ত শুগেই যার
আগুনো ধক্কে বেল তত্ ।
বুক গরের দপ্ফর দপ্ফর
গরের পানি ধাজ,
সেরো হেত্তে রিনি চাং
চগোত নপরে গাজ ।
ওয়াং ওয়াং র সারঙর
মানুজ জন তোগাঙর,
মুজুঙোন দি যাঙর
বিলো সংমদ্দে আধঙর
ডানডারেং এ শুগুনো বিল
গায় গায় পার অঙর ।
ঠেং যোগা ফোজা উত্তোন
হিয়েয় মাগের পানি,
হাক্কন পর পর মনত উদের
থুম অই যের জিংহানী ।
শুগুনো টোডা ধুক গিলি
দি আধর মুট ভিরি ,
এক হুজ এক হুজ গুরি যাঙর
নসাংঅর পিচ্চো ফিরি ।
টেত্ টেরে ঘামঙর
বর নিজেস টানংঅর,
মুই হামাক্কাই বিল পার ওম
মনত এ আজা রাগাঙর ।।
