ইগিলে মুই,
রাঙা সবন দেগং।
সবন দেগং লক-লক-
ঘুমোত্তুন জাক্কে এক জুর রাঙা চোক্কোই!
অহুর হন ঘুমোত নয়!
রাঙা সবন দেগং চোক মিলিনেই।
যে রাঙা ফুলো ধক হুঝি নয়!
রান্জুনির রং অ ধক দোল নয়!
যে রাঙাত হন আঝি নেই,
যে রাঙাত হন সুক নেই,
যে রাঙা বারি চিক চিক্কে,
যে রাঙাত বানা বুক দিবে-দিপ্পে।
মুই সে রাঙা সবন দেগং।
সবন দেগং জাগন তেনেই,
যে রাঙাত ভেই ও লো মিযি আগে!
যে রাঙাত বর্মা ধক তেজ আগে!
যে রাঙাত ছরান পেবার আওজ আগে।
যে রাঙাত হেনা সুজিবার ধারোজ আগে।
মুই সে রাঙা সবন দেগং।
————THUM——-
রাঙা = RED
ছরান = Freedom.
বর্মা = Fire.
হেনা = Revenge.
