ও সিভিল-
সাধচ্যা বিল্ডিং আর পিচ পথ ছাড়ি,
যুদি হোন দিন এজজ,
জনমান গাবুর আমা হিল চাদিগাঙত!
অজল মুড়োউনোর য়েল সবনর রেজ্যত!
আগুন রাঙা ফাগুনোত-
হোজুলি তরে, এ হোজুলি রাগেচ!
তর বিষ ভরন নিজেজ ইদু মিজে নযেচ!
য়েল য়েল পাদা সেরে রাঙা রাঙা ফুল,
দিগি নভাবিস সুগে আগন মুড়োউন!
মিজি যেবার আগে ঝোলগা বোয়েরত,
চিরি চেজ বুক চোগো পানি ঝরে তানজাঙত।
ফুলো তুম্বাজে আহ্জি যেবার আগে চেজ মেদিনি,
মিজি আগে লো,ফুদো ফুদো চোগো পানি!
হোগিলোর গীত শুনিবার আগে হান পাদিস,
মরা হিজেক আর হানানি শুনিলে মন দি ভাবিস।
দুক আর দুক, এ স্বর্গ রেজ্যনত!
ব নিজেজ আর নভাজেস হিয়েনত।
সুগো আঝাই আর নয়েচ-
বেরেবার নাঙে আর নয়েচ-
ইদু হন সুখ নেই,বেরেবার জাগা নেই!
নয়েচ আর তুই বানা ফাগুনোত গরবা ওনেই!
