মিগুলো দেবা
মিগুলো মনান,
বোয়েরত ভাজের
সোত-পত্যা পরানান।
ঝল্গা ঝল্গা বোয়ের-
বে যার মনানত,
দিবি চোখ তর চোগোত ভাজন
হন রাঙা সবনত?
বোয়েরত উরের চুলানি তর
আবর হার মুআনত,
ফুলো পাগোর উত্তানি তর
হামারাই ম পরানত।
পত্তে বেল অ সদগত
ফুদিলো হন গোলাপ ফুল!
হন ধোজ্জেত মুই ঝাম দিলুং
পরানি মুই নপাংঅর হুল।
সোত-পত্যা পরানান
বোয়েরত ভাজের,
পরানি দাগের তরে
বারিজেত বান এজের।
মিগুলো দেবা
মিগুলো মনান,
তরে হায় দাগের ।
পরানি বারিজেত বান এজের।
