|| পরত-তুললো ||

মুই হদা হং
যিনিরি মরে সিগেয়োন!
মুই মান্‌জোলই চলং
যিনিরি চুলিবার হোয়োন!
জেক্কে হনজনে পিজের গরন-
তুই হি অবার সাজ?
মন-হুজিয়ে হি গুরিবার সাজ?
মুই আওজে তারারে হং
বার বার মরে যা সিগেয়োন
মন-হুজিয়ে জিয়ান গুরিবার হোয়োন!
মরে লোরবো অবার হোয়োন
সেনে মুই লোরবো!
দোযা এলে দোরেবার হোয়োন
সেনে মুই দোরাং!
লাজত পল্লে লাজেবার হোয়োন
সেনে মুই লাজাং!
মুই সমত হেনেই হই পারং-
মর হন দর নতেলুন,
মর হন লাজ নতেলুন,
নতেলুন হন আঝি-
বা লোরবো হন মন!
তারা মরে সিগেয়ন,
যা হিজু মর আগে।
সনত্তেই মুই মানুজ-
অধীন পরত-তুললো।