“ও গাবুরি”

ইক্কো ইক্কো দিন
এক কুড়ি বজর ধুরি
যে বাপ-মায় পালেলাক তরে নোনেয়ে গুরি,
বজর মুলো হোচপানালোই গেলে তুই ছাড়ি
সে হোচপানা গম অয় হিঙুরি?
ও গাবুরি!

ভাঙা ঘরান তর
হোচপানায় নয়েল হি চুকচুক গুরি?
অনেই স্বার্থপর নিজো ধারোজে
ধন তিরোজে গেলেগোই মেয়ে বান ছিনি
সে হোচপানা গম অয় হিঙুরি?
ও গাবুরি!

কুড়ি পজোজ তিরিশ বজর
তুয়ো একদিন মা অবে,
বিজগর লেগা পুজি দ নযেব
পো-সাবারে হি বুজেবে?
ধুরিচ তরেও তারা গেলাক ছাড়ি
ও গাবুরি!
হি গুরিবে ভাবি চানা মুরোত পুরি
যে গাজর শিঙোর ছিনে
মরে হনা সে গাজ বাজিবো হিঙুরি?
ও গাবুরি!
২৭/৮/২০১৪