কংক্রিট বুগোত দেবালানি ধুপ,
অমহদ চুপ ঘিরি থায় দি চোগোর পথ,
মাগরক-অ আজ,নিয়নর পহরত
মর জেলখানা,দাদ-অ চের দেবালত বানা।
দো মিলি উরোন কানি বগা ঝাক,
অজলত ভাজন ধুপ মেঘ চাক।
জানালা হুরে বুঝি ধুক গিলোং বানা,
ধারাজে তাদি আগে পরান,মর উরোদে মানা।
পাজেত্তারা পাদা,লিগিবের খাতাউন ধুপ
দেবাবোর উ-হুলে লুগি আগে আওজোর সুখ!
মন হধানি,কবিতের লামাউন ধুপ,
হলমর হালিত মিঝি আগে এক ফুদো দুক।
চের দেবালত বানা এই জিংহানি,
বেল উদোনার লগে সাধচ্চে অয়,রাঙা সবনানি।
মুল শিঙোরত পরে তাগলর কুপ,
এক রঙা মরনান ধুপ,পত্থমর সেজত
হের সেরে ফুল ফুদি ঝুরি যায় চুপ,
জুলি যেয়ে বুক নাদে এল,তার পাগোরানি ধুপ।
