কবি আর ধবি, পর্ব-২

Print Friendly, PDF & Email

কবি আর ধবি, পর্ব-২

সক্কে দিন্নো সত্য যুগ এল। মানজে যিয়ান হোদাক সিয়ান লগে লগে অদ। সেনত্ত্যে বুজ্জে বুড়িরে দূর হনার লগে লগে দূর অই গেল। বুড়ি দূর অনেই লারে লাগে গরি পানিত লামি গেল। ববুজ্জে এব্বেরে আমক অই গেল। মুজুঙত জেদা ইক্কো মানুজ দূর অই গেল। আবাদা গোরি হি অনেই হি অল বুজি ন পারি হানি উদিলো বুড়ি হদা ইদোত তুলিনেই। হান্নে হান্নে মন দুগ গোরি ঘরত ফিরি গেল। বুজ্জে ঘরত যেনেই তা হিরবে ঝিবো “ধবি” পাজের গরিল “বাবা মা হুদু” তা ঝুবো হদা শুনিনেই আর মন দুগ বারিলো। মনে মনে হল “আঃ চিগনত্তুন ধরি মা বুগ ছাড়ি ন-থায় ইক্কে হেনে থেব”। “ধবিরে” হল এব ত মামা বেল্ল্যা মাদাত ফিরি এব।

ধবি হাক্কনত্ত্যে বুঝ পেলেও গদা দিন্নো বেসুঞ্জুক গোরি হাদেল। হাক্কে হাক্কে পদ মক্কে চেই থায়। হক্কে তা মামা এব। দিবুচ্ছে বেলান লারে লারে গোরি সাজন্যে অলেও ধবি মাবো ন-এজের হেনেই ধবি হানি হানি তা বাবরে হল “বাবা মামা হক্কে এব ঘরত। বুজ্জে তা ঝিবো সমারে হানি উদিলো। হিরবে গরিনেই হল এব এব ত মামা, ন হানিজ। ত মামা হেল্ল্যে বেন্ন্যে এব। রেদত হনো রগমে বুঝেই দি জনে গুলেক গালেক ভাত মুওত দিনেই ঘুমত পরিলাক।

 

ব্যেন্ন্যে পহ্‌‌র অনেই আর ধবি তা বাব ইদু পেজাল গরিনেই হল “ বাবা মুই মামা ইদু জেম”। ধবি বেজ পেজাল গরের হেনেই বুজ্জে ধবিরে ছড়া পারত নিলো, যিয়োদ ধবি মাবো দূর অনেই পানি লামনি যেয়ে। সেবেদেন বেগ হদানি হুলি হল। ধবিরে হল ত মামা আর ফিরি ন এব, তার ইক্কে পানিত থ পারিবো। তা বাব হধানি শুনিনেই ধবি বেজ গোরি ছোগো পানি ফেলেই ফেলেই হানিলো।

 

ছবিঃ- Research Our Culture, Tradition and Script গ্রুপ আর্কাইভ থেকে

Share This Post

Post Comment

This site uses Akismet to reduce spam. Learn how your comment data is processed.