পুনোং চানর পরে তুই
রাঙা জুনান দেক্কোজ নি?
গাজ ছাবাত তলে বুজি
ম হোদা তুই ভাবচ নি?
ফুলো তুম্বাজে মন ভুরিলে
মরে ইদোত তুলোজ নি?
রেত সম্ভাগত তারা উদিলে,
মরে সবন দেগচ নি?
ফাগুনো আভা বোয়ের বেলে,
মরে ভাবি মন হানে নি?
মরে এক দিন ন দেলে তর
পরান চিগুত গরে নি?
হোদা হোবার আগে পরান
বিরুং বিরুং গরে নি?
বারিজে লক্কে হন ঝরত
ত হায় মরে চাজ হি?
রাঙা ফাগুন গুলোজ নি?
রান জুনিলোই সাজজ হি?
চুলোত ফুল গুজোজ নি?
গায় গায় থেলে আজজ নি?
মরে নদেলে তোগাজ নি?
আনা চেলে লাজাজ নি?
মনত মেয়ে থেলে হদে,
মরে এনে হোচপাজ নি?
