|| দারিত্তে মাজারা ||

মোল্লাহ উরোদন আগাজত
চিল উনে ভাজদন বোয়েরত।
বাজ্সে তানা হানক্কন,
নিজেজ বন উর্গো উর্গো মন!

সাদজ্সে পদত রেত সম্ভাগত
জল্পাই-পাদা আদি জার,
মাজ্তে পদত হোরোলি বুগোত-
ঠ্যাং অ হুজ! বুট জুটানি হার?

উজু উজ্সে জুম্মোর ঘর ভিদে
আদামর হুগুরে ভুগোদন,
দি ঠেংঙে হন হালা এমান?
হিলো বামত এজদন!

বয়েরত ফুত আঙারা উরোদন
এহেল হেরত আগুন বাজাদন,
নানো নেয়ে গুরি হোন্না?
মুরো হাবি সং গুরিবার চাদন!

মরা গাজত খঞ্জন অ মোজান
হুমি জার পরানর দাম,
উরগুন্নে নে আভা হালা সাবা’ত
দি চোগোত দারিত্তে মাজারা!

——-thum———

দারিত্তে মাজারা- Symble of ominous.
মোল্লাহ- vulture.
মোজান- dance.
বামত- in area.
খঞ্জন- wagtail
জল্পাই-পাদা- leaf of olive [realizing word]