|| চোগ ||

আহ্জার আহ্জার পরান বোলা
আহ্জার আহ্জার চোগ,
আহ্জার চোগো আহ্জার পহর
নিজো চোগোত ওহ্ক।

নিজে দাঙর পরে চিগোন
এজে যুদি মনানত,
চিলো চোগো পহর ফুদোক
নিজো বারবো মনানত।
অজলত্তুন যেক্কে চেবে
নিজো হিয়েআন
বুজিবি তুই হদক চিগোন
চেলে পিত্থিমিয়ান।

মুজুঙে পলে বজং হাম
বাদোলো চোক্কুন ওহ্ক,
বজং জিনিস নদেক্কে গুরি
গোদা জিংহানি হাদোক।

দোলো লুভোত বাজিবার আগে
সাপ-অ চোক্কুন পাং পারা,
গরম জুরো বুজি পারং
হন রঙর গেন ছারা!

আর মুই ধারোজ গরং
মু-পুগো চোগ পাং পারা,
আহ্জার আহ্জার মিজেলোত্তুন
হামর জিনিস চিনোং পারা!

বেগ সেজত ধারজ গরং
পোর্বুয়া মানজো চোগ,
গম-বজং দোলে চিনি
জিংহানি তুজিম পুরো ওহ্ক।