অলে আমক অবে!
যুদি হং ভাজ’অর ও পরান আগে!
ধরি নপেয়ে এক্কান হিয়ে আগে!
এক্কান ভাজ ওই পারে-
বলিমন্দ বা রোগা,
ঠাগয়ে বা নাধা,
দোল বা দোল নেই,
গুজসেয়ে বা সেত্তেরা!
লারিয়ে অলাক ভাঁজর পরান,
র’উন অলাক তার হিয়ে-
হঙ্গর বারি দুগে,
মর পরানর মা-ভাজ
বাড়ি নাধা আর রোগা
নয় বলিমন্দ্ব,নয় ঠাগয়ে।
এ হদানি গম লাগিবার নয়!
অলে আমক অবে!
মর মা-ভাজ’অর বিজক হলে!
অলে হানিবের ছেবে দুগে ম লগে!
লাখ লাখ যার পু-সাবা,
হলান তারা সাদাঙ্গা!
যারা গরন বানা অলেগন,
নজাই অলে হেনা!
মর মা-ভাঁজর সদর,
বানা শিপ-সরনর নাং!
আর অ এলাক হিজু,
আজি জেয়ন যারা বে-অক্তত
নপেই হন দাম!
এ হদানি গম লাগিবার নয়!
শুনিলে আমক অবে!
মর মা-ভাজ বারি সেত্তেরা,
হায় যেনেই ছেলে মনে অই
তুজস তুজস ওই জেয়ে হন ঘর,
বজেগত মাত্তল তুজতে বয়ের-
দাঙ্গর হন বর্ব-ঝড়।
বা বর-তুম্বলত পাত্তলি ভাঙ্গা ন
গাঙ্গত ভাজছে হন আরাসাক!
এ হদানি গম লাগিবার নয়।
যে হদানি পাজারা ফারিবার নয়।
