হিলো আদম্যে পুঅ পুল্লে পেদা। লেগা পড়া হান অক্ষরবুও ন জানে হিন্তু তার হোদা বার্তা শুনিলে মনে হয়দে এম এ পাশ। চেহারাও এদক হারাপ নয়। তে একদিন্যে লঞ্চত গুরি রাঙামাত্তে এক সমাজ্যে লগে বেড়া যিয়ে,এর আগে তে হোনো দিন রাঙামাত্তে ন এজে। লঞ্চত উধিনেই মানজোরে পেপার পড়তে দিগিল, তে তেয়ু এক্কান ইংরেজি পেপার হিনিল, পেপারান ইংরেজি পেপার ন বাংলা পেপার তে হিন্তু হবর ন পাই। তা সমাজ্যবো আমক ওনেই তারে চেই আগে, ভাবিনেই হুল ন পার হিত্তে পেপার হিনিল। পুল্লেপেদা পেপারান উগুদো গরি ধরিল। মনে হত্তে তে মন দি পড়ের অত্তে অত্তে এক্কা মাদাবো লারাই। তা হুরে বুজি আগে এক্কো মানুষ, সে মানুষচো হয়দে ভেই, পেপারান ধ উগুদো উরি পড়ত্তে ননে ভেই? পুল্লে পেদা হয়দে, পারলে হি উগুদো আর যাবাদা যিঙিরি সিঙিরি পড়ি পারে। এদুক্কেন গরি তারা রাঙামাত্তে নুমিলাক্কি। রাঙামাত্যে এনেই তে পত্তম নানান বাবত্তে গাড়ি দিগিল। গাড়ি দিগিনেই তে এক্কে আমক উয়ে, তা সমাজ্যেবরে হয়দে, ইয়ানি হি ভেই? আ হেনে হেনে যায়? পরান আগে নাহি? মনে মনে তে আমক। তা সমাজ্যে ইন্দি উত্তর দিই দি হুল ন পার। তে তারা দি জনে গাড়িত উধিলাক এক জাগাত যেবাত্তেই। গাড়িত উধিবার আগেন্দি পুল্লে পেদা এক্কা গাড়িয়ান জাগারে ছেল তারা তুরিবাক হিনা। তা সমাজ্যেবো তারে তানি তানি উধো ন পার। হোন মতে তারা যে জাগাত যেবাক সে জাগাত লুমিনেই গাড়িত্তুন বাম ডাগত নামিলাক। ইক্কু তারা ওপারেনদি হিঙিরি পার ওবাক। হেনে পার ওবাক গাড়ি দ হাক্কে হাক্কে এজে। পুল্লে পেদা সমাজ্যেবো তে হোনমতে পার ওই পাজ্যে, ইক্কু পুল্লে পেদা পার ওই ন পারের যদি পার অধে গাড়ি এজে। হিঙিরি পার অব তে ভাবি হুল ন পার। হি আর গরিরো সেন্ডেল জোড়াবো হুলিনেই ব্যাগো বিদিরে বরেল, লুঙ্গিয়ান গুজ দিল, ব্যাগকো মাদাত বুগিল তে এক দৌড় দিনেই পদতান পার অল। (চলবে)
উদিয়মান কবি দীপক,
ত পচ্ছনানা পড়িলুং। বঝমান গম লাগিলো। পরেদি সিয়ান পড়িবেত্ত্যে মনান আওজ গরের। তুই লেঘি যা ভেই। ত পিজেদি আমি আগি।