সবাসাল
এহেল হের বুগোত নীল দেবা তলে
তিন বাজঅ মাদাত ধুপ হানি লরে,
হুদ্দুর দুরোত সিগোন সারাঘর ,
টোবাত হিজু ভাত,মাজতে সজপদর !
বোয়েরত উরের ধুপ টাঙ্গুমহানী
মাজারা দেগে দেল থুমোর জিংহানী ।
বা ! এজ হেল নঅয় তর ?
দোলে রিনি চা পুরি ফেলে দর ।
আঙারা নেই ,পুরি যেয়ে দাগ নেই,
পুজি যেয়ে এরার পরা বাজ নেই !
অদিনোর বেধক্কে সবাসাল
আগুনো বাজ নেয়ে মগদার হবাল,
রুবোঘর অ মরা সেজেরে নেজাদন ,
মাদি মুরোত পুগে,পানিত মাজে হাদন !
হরানত সুগে ,বারিজে ঝড়অ লগে,
জারহালত মিজি মরা পাদা লগে
বুডু সিননে ফুল মিজি পুজি যেয়ে,
রক্তলোই মু পুজিলো নিজো সদর ভেয়ে ।
সবাসাল এজচে ভারী জুরো ,
আজিলে তোগেলে নপায মানি ভুদো হুরো
আন্ধারত আজি যেই,দাগি হদন মরাউন,
চেরো হেত্তে জুলি উদোক সবাসাল অ আগুন ।
– – – – – – – – – – – – – – – –
তাঙ্গুমহানী – সবাচালত ধুপ রঙঅর যে হানি তাঙান ।
মগদা – মরা বা লাশ ।
টোবা – মাদিলোই বানেয়ে পিলে ধক জাগা/পাত্র ।
আঙারা – কয়লা ।
রুবোঘর – যিয়ানত গুরি মরা সবাসালত নেজান ।
