এদক গরি মানা গোরলাক্কে
ন’মরিজ তুই ন’মরিজ,
জুরাছড়ি মিলেলোই এক্কে
জীংহানিত লাঙ ন’গরিচ।
ন’শুনিলুং হারোর হদা
মর হাম মুই গরলুং,
জুরাছড়ি মিলে আদত
লাঙত মুই পরলুং।
হুয়ে তে মরে-
জনমান বেলে হোচ পেব,
মুই নাহি ফেলে গেলে
নাক দি মরি যেব।
হোলুং মুই তারে-
সালেন জাদি জাদি ল’না মরে
হদা দিল মরে তে
ল’ব চের বজর পরে।
তা হদানি মুই
বেক মানি নিলুং,
আগত্তুন বেজ গুরিনেই
আরও হোচ পেলুং। এদুক্কেন গুরি তারলোই
তিন বজর হাদেলুং,
আদিক্কে গুরি এক জনত্তুন
এক্কান হবর শুনিলুং।
তে বেলে হোন পুঅলোই
আরো লাঙ গরে,
হোন হোন জাগাত নাহি
বেরাদে দিক্কোন তারে।
এ হদানি পিজের গরি
বেক হাম হেল,
সিত্তুন দরি ম’মনান
পুরো ভাঙি গেল।
হি আজা গুচ্ছোং মুই
ইক্কো হি পেলুং,
এবারত তে মানজে হোদানি
দোলেই বিশ্বেজ গেলুং।
চিরহিত্তে আন্দার পেলুং
দিগিলুং এক্কে চাদারা,
জুরাছড়ি মিলেলোই লাঙ
গরিনেই
হেলুং এক্কে আদারা।
যেত্তমান দুগ দে মরে
আরও বেজ তে পোক,
তাত্তেই মুই তবনা গরং
পারলে মর পাপ ওক।
ও সমারলক, মুই হি হোলুং
তুমি হি বুঝ্চো?
সময় তাক্কে জুরাছড়ি মিলেলোই
এক্কে তুমি ন মুজ্চো।
