তুই মুই আগাজর তারাউনো ধক
এধক হায়হুই তো হধক দূরোত,
ভারি দুরোত-
রিবরিব সিমিনের এ থুম উ থুমোত।
ইক্কো দেবা তলে এক্কান পিত্থিমিত
ফুদিগোর দেবালে সিমিনে বানা,
মুজুঙো মুজুঙি তুই মুই
তো নঅয় বানা এক লগে মিলানা।
রাঙা বেল উদে গাবুর ছদগে
নানা রঙ ছিদে তর আগাজত
বেল দুবোনি সাজন্যা লামে সে অক্তত
আন্ধার লামি এজে ম আধানি পদত।
আদে আত রাগেনেই আদির
যে এক্কান পদত
এধক হায়হুই তো হধক দুরোত
সিমিনেত বানা মনান ফুদিগোর দেবালত।
