পত্তি বেন্যাত বেল উদোনার লগে
পেগো গীদো সমারে
তরে হবাত্তে আওজে বাজসে থাং
-সিজি বেন্নে।
জুরো জুরো আভায় বেলি ফুলো তুম্বাজে
জুমি থেয়ে শিরোপানি লগে
তরে হবাত্তে বাজসে থাং
-সিজি বেন্নে।
আমা রিদি সুদোমত নেই
আমা সমাজত নেই
ম তিন গুত্তিয়ে অলে হনদিন নহন লাঙোনিরে
-সিজি বেন্নে।
মুই হলুং ম লাঙোনিরে
ভাঙিলে ভাঙিলুং আই এধক দিনো রিদি সুদোম
নিজো আওজে ম লাঙোনির গরজে,
-সিজি বেন্নে।
অলে ওহক পর রিদি-সুদোম
হোচপানার ধারোজে মন মানজোরে
মুই আওজ জানে হোই পারং
-সিজি বেন্নে।
নুও দিনোর নুও মানুজ ইজেবে
মুই বানেলুং আই নুও রিদি সুদোম
পত্তি বেন্নেত লাঙুনে হবাক লাঙোনিরে
-সিজি বেন্নে।
