ম মনান সনমজ্জে সিদিন্নেত্তুন দুরি,
যেদিন্নে মর সবনানি লুগি যেয়ে হালা মেঘত;
ছুদো ছিন্নে গোটি ধক আহ্জি জেয়ে তুত তে বোয়েরত।
রান জুনির রং ওয়ে ধুপ-হালা,মর মন আগাজত।
এক ঝাক সারাইলে চিল,চোত মাজর বর হোরান,
চুগুনো মাদিত উবো মরা গাজ,নেই হন জিরান।
যাবত নয়েজে বারিজে,নফুরোই হোরাক-
তাবত নেই ঝর ফুদো,চিমিদোত দেবা পারাক!
হমলে এবে বারিঝে? হমলে এব ঝর?
হমলে হাদিবো পানি তিরোজ? ভিজিবো মনান মর!
এ মিগুলো, এ এগেলা,সন মন্জ্জে মনান মর-
ভেদা ভেদা রোগোনি গোদা,চিক চিক্কে জনম ভর।
এ বর মেদিনি হুল নেয়ে ধজ্জে,থুম নেই তর থুম নেই !
পুজোর নেই দিবে চোগোত, সবন নেই মর সবন নেই!
হোরোইলে মনান তুই ভিজিস,আবাদা ঝর লেজাত;
মেদিনি তুই মিজেচ মরে,হুজি ফুলো আগাত।
“””””””””””””””””v””””””””””””””””””
সনমজ্জে = numb.
গোটি = kite.
তুত তে = cylone.
