রাঙামাত্যা হরত এলুং বড় গাঙঅ পাড়ত ,
বিদি গেল ভালুক বজর আদিলুং লাম্বা পথ ।
কাপ্তে বড় গোধাত থুবেয়োং চোগো পানি ,
ছাড়ি পেয়োং জুম্মোলেন্ড যেয়োং হাজলং উজোনি ।
সেমেই তুলো ওই উরি যেয়োং ফাগুনো বোয়েরত ,
মৌন মুরো ফারি যেয়োং দূরোত নচিন্নে বামত্ ।
শিরোপানি পহর ফুদো চেই নপাং ভালুকদিন ,
সমার ভাবি হাদেয়োং হদক দুগোর দিন ।
সাদাঙা ওয়োং মা বুগোত আরেয়োং রেজ্য ,
বাজসে থানা যেদক লাম্বা ওক নআরাং ধজ্জ্য ।
দেবাইল্লে ওই ঘুজ্জোং যেয়োং বড় পরং ,
তো সবনে দেগং আওজোর জুম্মোল্যান্ড যেদক্কন বাজং ।
