গীতঅন্দি রোজেয়ি চাঙমা পচ্ছনঃ
এই পচ্চন্নু রোজেয়ুং মুই, শুনিবা নাহি হঅ?
শুনে পারং আহওজে মুই, জুনি শুনিবার সঅ।
ফুলুফালা ভাজর এই পচ্ছন্নু, এজ মন দি শুনি।
তালিক ইজেবে হামত এব, যেবগোই পেরেসানি।
গোদা পিত্তিমিত ফাজিল্যিয়ুনু , নাঙানি হিনংঅর।
হান পাদিনি শুনঅ তুমি, মঅ পচ্ছন্নু হঙঅর।
পত্তাপত্তি পিদত গুরি গুঅচিল্ল্যি, আগাজত যিয়ি।
ডেবা পেরাগত জুরি পুরি তে, মাদিত পুরি পিয়ি।
মাদিত এইনে ডঅরে সালাম গল্লঅ, গুঅ পুজুবু।
সিরি নিয়ুত্তে তাঅ নাক্কুত, বাজিলু লেবেদে গুঅ।
নাক্কু গুয়ানি মাদিত পুজতে, গুয়ান গদা লিবা গেলঅ।
গদা মুয়ানত লিবা যেনে, আর অ বেজ দঅজা অলঅ।
গুঅ বাজ
পেনে গুঅ পুক্কুনি, হামারা দল্লাগ তারে।
শেজমেজ মাদিভ মুয়ান গুজেলঅ, গুঅ পুক্কুনু ডঅরে।
গাদত্তুন নিগিলি আরঅ হামেরেলাগ, গুঅ পুক্কুনি।
পরান বাজে নপারি, পুঅজি হেলঅ তে বেগ গুয়ানি।
সেনে ডঅরে গদা পিত্তিমির, বেক গুআনি তে গিল্ল্যি।
এনেঅ এনেঅ তা নাঙান অলঅ, এক্কে গুঅচিল্ল্যি।
এই পচ্চন্নু অলঅদে মর, বেক্কানি রোজেয়ি ভাজ্।
মুঅ ফোলেনে জুনি তাগঅ, পেম এক মজা লাজ্।
(থুম্ অলঅ)
