অজল অজল দিঘোল মুরো
আহি চিকচিক্কে ,অমহদ জুরো ?
মিদে বাজি র দ শুনো নজার ,
নেই হেংগরং ,দুদুক ও র !
ছোড়া পানি হেত্তে হুলুক ?
হুত্তুন এজের মরা হিজেক ও র !
গাজ-বাজত হুজি এহেল পাদা ,
জুমোত আগে হুজি ধান গোজা
ঝারবো লুদিত ফুত্তোন ফুল ,
তুম্বাজ ভঙের বয়ের যোগা ।
জুম বোলায় হি গেল নাহি
মাজ হাঙারা ,টোন টোগা ?
জুমো লেজাত যেনেই চেলুং
উজোনি-লামোনি তোগে চেলুং
নেই ,জুম বোলা নেই !
জুম বোলার হন মাজারা নেই ।
হুত্তুন এজের পোড়া বাজ ?
হেত্তে জুম বোলা নেই !
গাজসুন হেত্তে লুঙি পজ্জোন ?
পেক্কুনে হেত্তে জুরো ওয়োন !
ইয়েন দ অবার হদা নয় ,
জুম বোলা নেই,হনজন নেই !
মুই হি ভুল জাগাত এলুং ?
না !ভুল নঅয় ,বুজিলুং চেনেই ।
এ জুমানর হি গিরোজ নেই ?
মনে দ নঅর ! জুমান চেনেই ,
ইয়ান দ আদাম নয় !হুত্তুন এলাক
এধক জোতা আ থেংঅ হুজ ?
জুমো টং ঘরান হুদু গেল ?
এহেল সেরে হালা ধুমো হুত্তুন উরের?
মাদি যোগা শুগুনো রক্ত !
বোয়ে রত উরের ছেই ,
টং ঘরত দ আগুন জলের
হিচ্চু আর বাগি নেই ।
হুজি হুজি ধান গোজা আগন ,
বানা গিরোজ জুম বোলা নেই ।।
