হক্কে ঘুমত্তুন জাগিবে ?
বেল আলে যার,রোদ তাদের
পেক্কুনে জুরো ওয়োন,
রেদোত ফুতটে ফুলুন সুগে যাদন
এজ তর ঘুম নভাঙে ।
তুইহি নসুনোর মানেয়ো মরাহিজেক
আর মরা-হানানি ?
হে নপেনেয় আরুগো ধক্কে অয়ে,
মানজোর হিয়ে য়ানি ।
মাদি রাঙা ওই যার
নিজো ভেইয়ো রক্তলোয়,
গাঙঅ পার ভাঙি যার
ভিদে আরেয়ে মানেয়ো চোগোপানিলই
এজ ঘুমত্তুন নজাগিলে ।
বয়ের অ নালত,
হান পাদিনেই শুনি থাক
দুগোত থেয়ে মানেয়ো হানানি
পরান বাজেবাত্তে আঘল পাঘল ওয়োন
আরেয়োন নিজো ঘর-জাগাআনি ।
তত্তুন হি ইধোত আগে ?
সে সুগো দিনো হদানি,
উজু উজ্চে এলাক তারা
দোলে হাদেদাক জিংহানি ।
ইক্কে দ সে দিন নেই
আরাহ্ দন সে সম্পত্তিনি ।
রীদি সুদোম আরাদন
বুড়ো বুড়িয়ে হানঅ দন ,
বলে বলে বাজি আগে
তারা হিয়ের পজাক্কানি ।
তুই হি বুঝি নবারর ?
সেনেই তারা ধক্কানি
তরে হামাক্কায় লাগিবো তারার
বাজেবাত্ তে জিংহানি ।
হক্কে জাগিবে তুই
জুম্ম জাদর রাজা ?
দোলে সাজেবে তর রাজ্জ্যোয়ান
বাজেবেগি তর প্রজা ।।
