ফাগুন মাস এইজচে
পুতপুত্তে জুনো পহরান জ্বলের,
ও পরাণি ইজচে দ তরে
ভারী ইদোত উদের।
এইজচে দ তুই নেই
আগস বানা স্ববনত
একদিন তুই এলে
ম জীবনত।
একদিন তুই হদে মরে
আগাজর জুনান রিনি চানা,
জনম জনম বাজি থেব
দি জনর হোচপানা।
চন্দ্র, সূর্য স্বাক্ষী আগন
আর আগন আগাজর তারা,
তর মর হোচপানা
জনম জনম তাই পারা।
এইজচে দ তুই নেই
আগস বানা স্ববনত,
একদিন তুই এলে
ম জীবনত।
ফাগুন মাস এজচে
দগিনো আবা এজের,
ও পরানি ইজচে তরে
ভারী মনত পড়ের।
একদিন দিজনে যিযেই এক্কান জাগাত,
সে দিননো তর মনত আগেনি?
দগিনো বুয়োরো জলগাই
উরি যে’দ ত চুলানি।
চোখ তেবত্ ন’গরিনেই
চেই তেদুং মুই তরে,
মু চেবে চেবে আজি আজি
নুদি বানা হদে মরে।
এইজচে দ তুই নেই
আগস বানা স্ববনত,
একদিন তুই এলে
ম জীবনত।
ফাগুন মাস এজচে
আজাজত রোদ উদতে,
ও পরাণি তরে মর
এইজচে ভারী ইদোত উদতে।
একদিন তুই মুই যেদং
পদনদি আদি,
ডাগাডাক্কে গরিনেই
মাদাত দিদং ইক্কো ছাদি।
ম আদত ধরিনেই
দি জনে আদি যেদং,
তর মর দি জনর
মন হদা হদং।
চেনা জানা মানুষ দেলে
আমি লাজেদং
আমারে ন দেগন পারা
ছাদি আন্দল দিদং।
এইজচে দ তুই নেই
আগস বানা স্ববনত
একদিন তুই এলে
ম জীবনত।
