বুলোং তুলির হান্যে রাম-এ,
তাগল এক্কান লল,
হর সিলোত ধারেই ধারাই,
বাজ বাগানত গেল।
বাজ বাগানত যেনেই তে,
হুজি ঢোগা হাবি’ল,
সে ঢোগায়ুন হানাত লনেই,
ঘর সিধু আনি’ল।
হানক্কন যেরেনেই তে,
বেত পিরানা ধরিল,
বেত পিরানা থুম অনেই,
বুনো হাদা ধরিল।
আগে হি বুনিব তে,
ভাবি ছেল দোলেই,
ভাবানা থুম অনেই,
বুনা ধরল তলেই।
তলেই বুনা থুম অনেই,
হাল্লোং বুনা ধরল,
হাল্লোং বুনা থুম অনেই,
মরিজে বেততোই হক গরল।
এই বাবত্যে গরিনেই,
বুনো হাদা ধরিল,
বেত দিনেই নানাক্কান
সজপদর বুনিল।
