লুরো
দিপক চাক্মা
হোন্না অব আমা জুম্মো জাদর লুরো?
হোন্না দেগেই পারিবো পহর,দোঅ পদ?
হোন্না পারিবো নিরিবিলি পদ দোঅ গড়ি?
ন’থেব হন বাধা,ন’থেব হন আধা।
হোন্না রাগেই পারিবো আমারে গম গড়ি দোঅ জাগাত?
জাগেই তুলিবো ঘুমো মানজ্যোরে?..যারা অন্য জাদত্তুন নিত্য লাদি হাদন,আন্ধারত্ যারা আগন দেগেই পারিবো হি পহর তারারে?
সে পহর দেগিনেই এবাক গুরো বুড়ো..
বুঝেব তে ন’বুঝ্যে ন’ জান্যে মানজ্যোরে
তা হদা শুনি বেক্কুনি উজেবং
পিত্তিমিত ঝিমিলানী তুলিবং
তবাক দিবো তে আলেই পজ্জি জুম্মোউনোরে
ঠেলা দিবো তে পিজে পজ্জি জাত্তুরে
লুড়িবোং, আদিবোং আমি তা লগে লগে,
তে-ই অব আমা জুম্মো জাদর লুরো
