চিদোত লো দিনেই লেক্কে নাং,
মর মা হিল-চাদিগাং,
মুই হোচপাং হোচপাং।
বর দে মা,তরে তবনা গরং,
অ দিনোত তুই জনম দে আর এক রাধামন।
হয় দিন থেবে আর চোগো পানি বুগোত গুরি?
কাপ্তে গোদা তুই দেনা মা ইরি।
জল্পাই পাদায় হিত্তে ভুরি যেদ ত বুক?
পেবার নচাজ হি? আলা ওবার সুখ!
মোন-মুরো অজলে তর বারবো মাদা,
দাগি যেব হিয়া হালা আধং-হাজরে??
ত পো-সাবা তুই তোরিব গর,
মুজুংঙে এজের মাদো বারি ডাঙর ঝর!
পরত্তুল্লো’র সিগোল সিনিবাত্তেই মাদো-
লোরবো চেলার জনম দে,
বিজয় গিরি আদি যেয়ে যে পদত,
সে পদত্তুন তুই রাধামন ফেরত দে।
পুরি নোফেলেস তুই ছরান হালাবাঘা,
জুম্মোলেন্ড নাংঙে ফিরে আনিবোং,
আমি তর ১২ লাখ পো-সাবা।
বুগোত আগস তুই বুগোত থেবে,
সোনার অহ্রকে লেক্কে বিজক পেবে!
ও মাদো হিল-চাদিগাং,
নু ও জনম ওহ্ক তর জুম্মোলেন্ড নাং।
