উরগুন্নে আভা এজ সিদি আগে,
আঙচ্ছে আন্ধার এজ ঘিরি আগে,
এজ ম ওই আগে মানজোর আজি
বন ওই আগে হুজি ফাগুনো আভা-
মূজূং এ ঊজেবার পথ! বানা
আলা বজং হালা সাবা।
ফাগুনো আভা দ আনা পুরিবোই
লারেয়োত মর জিনা পুরিবোই
মর ভাঙ্গা পুরিবোই
পুরোন হোগোরা সুদোম!
ছিনা পুরিবো পুর্পুজ্জে বান!
বজংঅর বজং সবন।
মুই ভাঙ্গিম হেনেই
লদক-দদক দেবালানি এজ ঠেই আগে!
মুই সিনিম হেনেই,
পুরোন জাংআর হেয়ে সিগলানি এজ আগে!
মুই বোদোলেম হেনেই
হোগোনা হোগোরা সূদোম আনি এজ আগে!
উদন্দি হজমা গাবুর
নুও সবনর নুও ঝাবুর
মুই ভাঙ্গিম বি,
মুই আনিম বি,
নুও দিনোর নুও পহর।
এলে এজক হন বর্ব-ঝড়
মর নেই হন মরন দর!
মুই উদন্দি, মুই হজমা
মুই গং দাঙর,মুই সেততেরা
মুই দ রিজেঙর আদিয়ে
জনম জনম লড়বো রিজেঙর বর্বুয়া ।
