জু জানাং মাদো ওঝার এ মেদিনি,
গুরিস হেমা,নোফুরেয়ে দেনা,
অধং-পো তর গুজি-ল-আইলেং দি
মর লাম্বা সালাম চিদোত্তুন হোচপানা।
পোইল্লে সালাম মাদো তরে,
বাজেয়োজ পরান,দিয়োজ জাগা বুগোত-
বানেয়োচ পরান বোলার চেলা এ অধং’অরে,
গজেই দি রাজ-ভান্দার রাগেয়োচ সুগোত।
দেবোংসি তুই জনমান গাবুর,
বেক দোলোর দোল,আঝার দোলোর রেজ্জোত-
অক্ত অক্ত সাঝি উদোচ নো গুরি,
নয় বার্বো,আজা গুরি রাগাচ ত বুগোত।
ত বুগোত ফোগোদাং মাদো,ত বুগোত থুম,
ত বুগোতওই সেজ নিজেজ,জিংহানি ভর ঘুম।
মর তবনা হোলুং তরে সুনিচ মেদিনি,
আঝার আঝার সালাম তরে মা-পিত্তিমি।
