হন আঙোচ্ছে বা জুনপরত
বেল পর বা রেদো আন্দারত
মুই নোদোরাং!
বারিজে লক্কে দেবাই জুদি
মেঘে ধাঘে,আন্দার গরে
ঝর অ আগে সোজেই উদে!
চিমিত-চিমিত ঝিমিলাই,গুজুরি উদে-
তো মুই নোদোরাং!
মুই হন মানুজ নোদোরাং!
মুই হন এমান নোদোরাং!
মুই হন দেবেদা নোদোরাং!
মুই দোরাং বানা সিউন
সে সনমজ্জে এরা দোমাউন!
যার হন চিত নেই!
যার হন উব নেই!
যার হন কোবিতে নেই!
ঝাবান হেয়ে মিলের মোরা হিজেক
তা হানত নোলুঙে!
হুদুম্বো মোরা মানজোর চোগোপানি
তা মনত গোভা নগরে
ট্রিগার তানি পোরান লদে
তা আত গিরনোগিরাই-
সে মানুজ দ মুরি যেয়ে
ভালুক দিন আগে!
বানা পুরি আগে-
ফেলে দে এরার আদং-হাজর!
পুজি যেয়ে সলং অর পজা বাজ!
যে পজা বাজে বেসুনজুগোত বেগে!
সনত্তেই মুই-
দোরাং তারারে!
