তুই বিজগর পদত তোরবো যেচ,
তুই যেচ বৈশালি,পার্শব দেজত।
আদি আদি যুদি অহরান অচ,
যেচ তুই তক্ষশীলা,গান্ধার রেজ্যনত।
-রোহিনিরে তুই পেবে!
জুম্মবি-
তুই রোহিনির সোনালি চুল,
হং হং নাক,কারমা চোগ
দেবগরন হিয়ে রং দিগি,যুদি আমক অচ-
তার বাবে দে দিয়ান আহ্ত দুরি চেজ!
-মন ভুল বুজি পারিবি।
জুম্মোবি-
তুই সিন্ধু গাঙত যেচ,
-উগুরি উদিবি!
যেক্কে দিগিবি রোহিনির রাঙা আহ্ত!
আজ্তের আহ্দত তার লোরবো চেঙেরা!
মিলেউনোর সেদাম তুই বুজি পারিবি।
যেক্কে,দিগিবি পঞ্চাল রাজা ঝিরে তাগি-
রোহিনি হেরাজ গুরি হয়,
সোনা রুবোই নিজোরে ঢাগি
হুজি নরম পদ্ম ফুল সাজি,
মরদর মন যুগোনা মিলের হাম নয়!
-তুই ভুল বুজি পারিবি।
জুম্মোবি-
হদে শুনিব তুই রোহিনিরে,
নেক মোক এক লগে,বাজি যুদি পারে,
হিত্তেই দুজ অদ?
নেগ লগে মোক লারেয়োত গেলে!
পুতুলোর ধক সাজি,
আম্রপালি ধক হিয়ে বিযি পরতুল্য বানা!
ছিঃ সে পরতুল্য জিংহানি!
মিলে জাদর কলংক অনা!
জুম্মোবি-
তুই রোহিনি মুওত শুনিবি,
জনম আর মরণত মিলে-মরদ সং!
ঘর বারে হামত দেজ জাদর টানে,
আজ্তের আহ্দত মিলেউনো নয় হম!
সেনে হোজুলি গরং-
জুম্মোবি তুই রোহিনি ওচ!
-স্বাধীনতার মুল্য বুজিবি!
————–thum—————-
রোহিনি = Tokkoshilar Acharjo “Asso somvar” aw iijhi.
তোরবো = Ahdi jana.
কারমা = Blue/nil
পরতুল্য = poradhin.
