পুরি ফেলাগোই!
তুই পুরি ফেলাগোই বেক দুক
বলপজ্যা, চিকচিক্যা বিজগর হোদা।
ছিনি ফেলা বেক বেসুনজুক,
উধি যেয়ে জিংহানির আনুদোর কবিতার পাদা।
পুরি ফেলাগোই!
তুই পুরি ফেলাগোই বেক বজং সবন
লাম্বা ব নিজেজ,নুনজো চোগো পানি।
ছাগি ফেলা হিয়ে রুমে রুমে বিষ,
মন ভাঙা পুরোনা হদানি।
পুরি ফেলাগোই!
তুই পুরি ফেলাগোই বেক আঙোচ্চের রেত
সন মজ্যা হিয়ের মন ভাঙা গীত !
পুরি ফেলাগোই তুই, বেক মোরা হিজেক
রিজসো মনর ইংসের হামানি।
পুরি ফেলাগোই!
তুই পুরি ফেলাগোই বিজগর ছিনে পাদানি
এক্কান এক্কান গুরি বেক্কানি।
বানা শিক্ষেয়ান বাদে!
বিজগর ধার বেই এ পত্থমত হিচ্চু আর পেবার নেই!
বোনা বোনা অভ্যেচ আর শিক্ষে বাদে।
20/4/2014
