গাবুরি তুই ইদোত রাগেজ হংঅর যে হদা ,
এমন ও অক্ত এব তর,যেক্কে ইদোত উদিবো ম হদা !
ফুল নফুত্তে ত বাগানত,হালা এরেয়েপুক পুরিলে,
পেদে নয় ভেই ইজেবে ডুগুরি ডুগুরি হানিলে !
সেক্কে মুই হান সাজিম,তুই জিঙিরি রয়োজ ,
ম ভোন্নো মুরিনেই ও নুদি তিন তামালাক গচ্চোচ ।
হালা এমানে যেক্কে নেযেয়োন ম বোনো হিয়ে হাবর,
ত উজতে লাংদা হিয়েআন তুই হালা এমানরে দেগর ।
মুই দ তরে দেক্কোং ,হালা এমান দোই দেল গত্তে ,
আজার হোজোলি গচ্চোং তরে ম বোন্নো মত্তে !
তো দ চা পজ্জে মর,ম বোনো মরা লগে,
তর উশৃঙ্খল ছবি,এলে হালা হুগুরো লগে ।
শুনিজ জুম্মো বি ,মুই তরে হঙর
সিগোনত্তুন ধুরি মুই তর জাত চে এজঙর,
যিদিন্নে ম ভেই মজ্জোন,চিদিরে,হালা হুগুরো আদত
সিন্নেও আজি এল ত মৌত,হালা এমান মনত,
যেবার চাচ ?যা !যিদু তর মনে হর,
তবে হবদ্দার ,মাজারা নরাগেবে আর জুম্মো বি নাঙানর ।
ঝারবো ফুল অনেই তুই ফুলো টবত যেবার চাজ,
পানি নপেই সুগে যেবে সেন হি ভাবি চাজ ?
মুই হিন্তু আজিম ঠিগই,হক্কে হবর পাজ ?
ত সুগুনো ভুয়ান যেক্কে হালাহুগুরে চুগুদিবাক ।
ভেই বোন,গেদি গুত্তি তর দ হিচ্চু নেই !
জিংহানিত যুদি বর বারিজে এজে হি গুরিবে চেই ?
তুই দ উচ্চ শিহ্মিত ,যারে হয় আধুনিক ,
যুদিও দেগা যে পারে,শরর সিগোন আন্ধার গলিত ।
ডাঙর বিল্ডং ঘর,হুনোত লাগেয়ে এসি
ঘরঅ তলাত দামি গাড়ি,কাবর চুগোর বিদেশী
ঘরত খেলে হানা ন অয়,যা পরে কে এফ সি !
ইনিই দ তুই চাজ ,ত হিয়েআন বিজি যাচ !
লগে মা বাপ পুরো জাত্তোরে ডুবাজ ।
এতই হি সসতা তুই ?ইনিলোয় বেজা যাচ ।
ও তুই দ আধুনিক,বাংলা ইংরেজি হচ
নিজো ভাজ হদে দেলে অশিহ্মিত ফাল্টু হনেই র সারজ ।
তুই দ প্রগতিশীল ,উদার মনা হচ ,
ত উজতে হিয়েআন দেগেনেই এহেল মাজি দাগজ !
আর হি হিঝু বাগি আগে দেঘেবার ?
হালা হুগুরে দ বাচ্চে আগন জিল নিগিলে
বেক দেগে পারচ এবার ।
ফুদো ফুদো ঝড় পরের এজের বারিজে দিন
আওজোর দিন বাচ্চে আগং,সেক্কে মুই আজিম ।
বাসুভেইধন, এক্কেরে খাস চাঙমা হধা। যিগুনে হধা ন শুনন, তারা যিবার আগে ত কোবিতেবুঅ একপল্লাহ অলেইয়ো মাদেই যাদোক।