***পরিচয়*** সুদীপ্ত চাকমা মিকাডো

Print Friendly, PDF & Email

ইচ্ছে ভারি বিজের গরের মনান মর

মুই হি হিজেবে পরিচয় দিম সমাজত

আদিবাসী না এক উপজাতি ইজেবে ?

না হি ক্ষুদ্র নৃ-গোষ্ঠী ?

নিজ যাদর পরিচয় দিদ গেলে

হদা শুনা পড়ে নানা বাবদে

মানয্যে আজি বিজের গড়ঙ

তুমি ইক্ক্যে হি সালে উপজাতি

সরকারে আদিবাসী ন হর বিলি ?

হি পরিচয় দিলে সরকারে হুজি হব মরে ?

বানা বিজের গরে ম মনানে

যে দেজত জনম মর, সে দেজত নেই জুম্ম জাদর কোন কদর

সুগে দুগে হায় পেবার আজায় হদক বিশ্বেজে ভোট তো দিয়া যায়

নিজ ভাজে লেগা শিগি মানয্য দক্কে মানুস অবার আজায়

নিত্য স্কুলত মনান যেবার বানা চায়

লেগা শিগি দাঙয়র ওম, জাদরদুগ হদা হোম

বেন্ন্যে বেল্ল্যে ইদত উদে বানা

মাস বাগানে ঘর পুড়া আ জাগা আরানা

আর এক মা বোনর ইজ্জত আরানা

এজের বিজু আ নানা বাবদর মেলা

মনান বানা দরায় হক্ক্যে না উদে ঘদনা

দোকানত, বাজারত গেলে নানান বাবদর মানয্যে বিজের গরিদ চান

দোলে থারে থারে রিনি চান

থেনন্যে হানি,পিনন পিননে হাললঙ বুক্খ্যে মানজর হদা

যদক দিন যার নানা বাবদর মানুষ বাজরত লাগত পায়

বেন্নে পহরত দেগে তারারে,রিদোত অলে যান তারা ভুই এ বাগানে

জাগা লই হদা উদিলে দলিল দেগেলে

ফাদি পেলেই হন ইয়ান পুরনান, লাগিব তর নুয়োয়ান

মোহম্মদআলীত ত্তুন আগে যিয়ান।

Share This Post

Post Comment

This site uses Akismet to reduce spam. Learn how your comment data is processed.