|| জের তোপ্পার চাবাংগি ||

ছিনে গুরি গায় গায়
মুই ধাবা নদোঙর!
নচাঙর হন জিতবাত!
আজার বজরর আজার মানেয়োর সুদোম,
জিরেন নেয়ে হন রিলে রেস,
হন এক অক্তর হন এক জাদর
মুই ইক্কো চাবাংগি বানা!

হিল চাদিগাংঅর অহুর ঝারত,
ঝারবো রিজেংঅত,
উজুদি তারুম-বনত
মানেয়োর আজ্তের মেদিনির বুগোত ফুদেই-
ফোগোদাং গোজ্জোন যারা আমা কাচ্চেগি,
জুমোত ফোলেয়োন তুম্বাজ ধান!
আমা পুরোনা মানুজ্সুন!
মুই তারা জের তোপ্পার চাবাংগি।

তারা হদা মুই বেগরে হংঅর।
আজার বজর আগর গং
রাগেবার চাংঅর দাঙর।
বিজয়্গিরির বাবোদা আজার বজর আগর
এজ মুই উরেবার চাংঅর!
মুই সিনে হনজন নয়!
মুই দাংঅর হন গাজর
বেগ মাদাত হুজি হন আগা!
ধান গাজর মাদাত নো-
বোল, নরম হুজি!
মানেই জাদর হন এক গিরির
মুই জের তোপ্পার চাবাংগি।
-thum-

চাবাংগি = member.
কাচ্চেগি = civilization.
তোপ্পা = generation.
বাবোদা = flag.
গিরি = Family