|| আমি জিদিবোং ||

মুই হবর পাং-
আমি জিদিবোং!
আমি ছিনিবোং অধিনোর শিগোল!
উরিবোং বোয়েরত ‘দো’ মিলি,
উব গুরিবোং আলা জিংহানি!
রাঙা বে-ল পহর
আমি আনিবোং!

আমি ঝারবো-
মাত্তল অবং!
হিরে আমি বানেবং-
আঝার জুম্মো’র চোগো পানি।
জুমো চাগালাত-
আমি ধুনিবোং চিদিরে!
রাঙা গুরিবোং আহাত!
সুজিবোং দিলো হেনা-
তুলিবোং মাদি গির গিরে!

মানেয়োর ছলং-
আমি বন্ধক রাগেবং!
যেদক্কন নপেবং-
নিজর চিন,ছরান নাঙর ধন!
আমি উজেবং! উজেবং!
হোজেই নেয়েবং!
ভ্হজ নেজেবং বেক শত্রু!
ছরান অনেই তে আমি ‘ম’ অবং!
পরান জুরেবং!
মানুজ অবং!
আমি পারিবোং
আমি জিদিবোং।