ঝারবো পদত গায়
রিজেঙোর পত্থানে দাগের আয়,
পদে পদে বিজো হাদা
বারি চুচ্চেং বারি ধার।
ঝারবো ফুলোর তুম্বাজে মাত্তল-
মনান দ যেদ চার।
হুজি তেঙঅ পাদা ভেদা ভেদা ওক,
থুরি জুদি নবারং সালেন মরন ওক!
ঝারবো পদত গায়,
রিজেঙোর পত্তানে দাগের হায়।
পদে পদে নানা দোজা
বারি দুগোর, চিত ফুরি জায়
হন সবনত মাত্তল ওই
মনান তো যেদ চায়?
নো আদিয়ের দোযা এব এজোক
হাদেই যুদি নবারং সালেন মরন ওক!
রোগোনি পদত যুদি আধা পরে
মুই আধিম,
মোরা-পোজা বাজত যুদি থা পরে
মুই নিজেস তানিম।
মাত্তল যুদি ওই পরে,
মুই ঝারবো ফুলোর তুম্বাজ চুমিম!
যুদি সিআনিই নবারং-
সালেন মরন ওক।
