ঝুরি যেবার-
মুই ঝুরি যেম, গাজ পাদা লগে,
জোমে থোয়ে শিরো পানি লগে,
ঘর উদোনত ফুদি যেয়ে ফুলুনো লগে!
মনানে যুদি হয়,
পুরি থেবার-
মুই পুরি থেম, য়েল হেরানি লগে!
বোয়েরত লুঙি যেয়ে ধান শিজে লগে,
পুরোনা গীত ও সুর,গেংহুলি লগে।
মনানে যুদি হয়,
মিজি যেবার-
মুই মিজি যেম,বারিজের ঝর লগে!
আন্ধার রেদোত জুনিউনো লগে,
বিজয় গিরি সাত চিমু বরবুয়া লগে।
অজলত উড়িবার মনানে হলে-
অজলত উড়িম!
মেঘরে সমার বানেম, ওহম গাঙ চিল।
সেমেই তুলো লগে দোগিনোত ভাজিম,
মাধা ভার গোটিবো ধক,বোয়েরত নাজিম!
ফুদি উদিবার মনানে হলে-
রং ছিদি ফুদিম।
ঘর চুলোত খই ওহম,দুম দুমে উদিম।
গাবুর বেল ছদক ওই ফুদিম,
ফাগুনোত ফুল ওহম, রাঙা ওই উদিম।
জুলি উদিবার মনানে হলে-
জুলি জুলি উদিম!
দেবা চিমিত ওহম,পহর ছিদে দিম।
শিরো পানি ওই বেল ছদগত গাদিম,
বারোজোর লগে জুলিম,বুলেট ওই ফুদিম।
মনানে যুদি হয়,
আহ্জার আঝা বুগোত বানিম!
মর মনে-মনজক্কা!
রাঙা হালা সবন দিগিম।
পোজিমোর বেল আহলেলে,দো মিলি উরিম।
—————-₹~₹—————
বিজয় গিরি = A breave Chakma king,who defated kuki,Mogh & kheng Nation with 26000 warior.
সাত চিমু = 26000.
বরবুয়া = Warior.
গোটি = kite.
