|| মুই উজুধি ||

পুগোত্তুন দুরি পোঝিম
উত্তোরেত্তুন দুরি দোগিন
মরে হোলাক,
এজ এক পদর সমার অই,
এক সমারে গেই মানেয়োর গীত
আদে-আত দুরী বাজি তেই পিত্তিমিত।
হুজি মনে জেক্কে হুরে গেলুং

মরে থিলি দিলাক!
ফাগত নোমিজেলাক!
তারা হোলাক,
আমা ফাগত মিজি পাত্তে নয়!
মিজিলে তর ভাজ হই পাত্তে নয়!
তর সুদোম পালে পাত্তে নয়!
তর বাবে দে নাং!
তুই লারি পাত্তে নয়!

মুই আমক অলুং!
মুই উজুধি গল্লুং!
মুই হলুং,
এক পদর সমার অদুং নয়!
তোমা ফাগত মুই মিজিদুং নয়!
সারিদুং নয় সুদোম!
হোদুং নয় তোমা ভাজ,
ম বাবে দে নাং
মুই ইরি পাত্তুং নয়!

তারা আমক অলাক!
দরে গিরগিরে উদিলাক!
আজার আজার আজ্তের তাগিলাক!
ঝর ফুদো ধক বুলেট মারিলাক!
মুই বুক পাদি দিলুং!
লো দিনেই লিগিলুং সুদোম!
লো দিনেই লিগিলুং ভাজ!
লো দিনেই লিগিলুং নাং।
লো দিনেই পেলুং নো জিংহানি।

যিআনি আঝি যেবার দিদুং নয়।
পুজি দিবার দিদুং নয়।
যেদক্কন আগং বাজি-
মুই উজুধি!