টিনটিঙে নাদিন, সিদে ওইয়ি সোলা আজুর
নাদিনে গরের পিজের, উত্তর দের আজু
গলা হচহচ্চি, মেলা নযার র
গেবার মনে হর গীত, হেনে পারিম হ?
আত্তে আত্তে নলা, গাদে গাদে গলা
নাদিনরে বুঝেই দিলো বেগর আজুসোলা।
আচ্ছা আজু হোয় চা, গাঙ পানি হুদু যায়?
আজু হয় জাদে জাদ থগায় হাঙারায় গাদ তগায়,
সাগর পানি ঝড় ওইনে এজে, গাঙঅদি লামি যায়।
নাদিনে আর পিজোর গরে আজু সোলারে…
উত্তে উত্তে উইয়ুনোর হিত্তে দুঅ সিনি পড়ে?
সেদাম নেই যার তিন মোগ তার!
সিগোন সিগোন দোঅনিলোই পিত্তিমি হেবার চায়,
নিজো আন্দাস পাগলেউ বুঝে।
উগুরে উগুরে ব যার হলগ মাদি থান নপার,
আ সেনত্তে উইপুক্কোউ দোঅ সিনে মরি যায়।
বুঝ পায় নাদিনে, এক্কা জুরো অয়।
হিজু মানুজ আগন সুযোগ পেলে তগান,
সোলা আজু হয় মানুজ বুঝি পুগিয়ে হামারান।
ধুচ হেলে উজ বজে…
হিজু মানুজ আগন ধুচ হেলেউ শিক্ষে ন’অয়,
সোলা আজু হয় -“যে হুগুরো লেজ বেঙা আজার সুমোত ভরেলেউ উজু ন অয়”।
নাদাই যুদি হাম নগরে, হেনে ঠাগুইয়ি অদ?
সোলা আজু হয় – সময় থাক্কে আদ, ঝুল থাক্কে গাদ।
ঘর উন্দুরে বের হামারেলে, হন বেড়ে টান মানে?
যে গরত মুরুব্বি বেশ, সে ঘরউ চাল ভাঙে।
রোদ গরমত্তুন হোরোলি গরম বেশ,সেনত্তে গিরজ্জি মুজুঙ্গে হুগুরে দেগান লেজ!
সেনে গিরজ্জি মুজুঙে হুগুরে দেগান লেজ!
