পরাহবাল্ল্যে হান্যেরাম, দিপক চাক্‌মা

Print Friendly

পরাহবাল্ল্যে হান্যেরাম

বুয়ত আগন হাপ্পে ধান, দেবাবো তের তেরার,

হি গুরিবো হান্যে রাম-এ, ভাবি হুল ন পার।

চিরহিত্তে ঝিমিলার, তেক্কেবার ধ নেই নাং,

গুরুং গুরুং গরের আগাজত্‍,ধর্ ধুজ্জে পারাপাং।

ঘরত নেই হেবার ভাত,গরম উয়ে হান্,

লামি এজের আগারে পানি, বাঝি নেজার হাপ্পে ধান।

ঝড় বুয়োর থামেবাত্তেই নানাক্কান মানের,

হবাল বাজ্চে হান্যে রাম-এ গুজুরী গুজুরী হানের।
এই সংসারত হি এদক পরা হবাল্লে অলুং,

হাপ্পে ধানানি মুই ঘরত তুলি ন’পারলুং ।

হি হাবে’ব মোক পুঅরে ভাবি হুল ন পার,

এধুক্কেন সুগে দূগে হান্যে রাম-এ জিংহানি হাদার ।

Dec 23, 2011 ·

Share This Post

Post Comment

Please Answer.. * Time limit is exhausted. Please reload CAPTCHA.