বেল্অ পহর ফুদোক।। বাসু দেব চাক্‌মা

Print Friendly

মৌন,মুড়ো,জুমো সেরে
বড় তারুমো ঝাড়ত ,
বেল পহর ফুদি উদোক
বুগো ভিদিরে মনত ।

আগন যারা মেইল্লে হান
বেগ আক্কে তোগান নাং ,
ফুদোক পহর সে মনত
যে মন আগে আন্ধারত ।

বড় গাজঅ সাবাত তলে
এহেল ঝুবুরো পাদা সেরে,
বেল পহর ফুদি উদোক
এহেল হের তলে তলে ।

সাবঅ মানেক ও আজায়
ঘুর আঙঅচ্চেত যে আগে,
পহরত তে নিগিলি এজোক
বেল উদোনার লগে ।

আমার হিল চাদিগাং
জুলি উদোক পহর অত ,
নো বেলর সদক ফুদোক
পত্ তি জুম ঘরত ।

পিত্থিমির হন জাগাত
আন্ধার আর নথোক ,
মানেই হুলোর চেরো হেত্তে
বেলর পহর ফুদোক ।

Share This Post

Post Comment

Please Answer.. * Time limit is exhausted. Please reload CAPTCHA.