যেক্কে হাবেলুং মন্ত্রর পুড়ি
গাবুরিরে পান
লগে লগে হল মরে
দেগের শাহরুখ খান।
যদবদে দরমর উন্দুজ্যে বৈদ্যর তালিক
হাত্তুন হাত্তুন লাগিবো
এ দিক্কেন পান হিলিক?
একবারে হাম অয়
দি বার আর ন লাগে
হাবানার লগে লগে তে
মর গুজ আর ন ছাড়ে।
ইক্কু মুই হি গরিম
ভাবিনেই ন পাঙর হুল
এ জিংহানিত দাঙর এক্কান
গুরিলুং মুই ভুল।
মোক লোবার অক্ত ন অং
হিজেনি মর হি অয়
পারলে মুরি যেবদে বিলে
যে মরে ছাড়া হারোরে লদ নয়।
ইয়ান হি গরিলে মরে
উন্দুজ্যে বৈদ্য নানু
পারগ গোরোনি আগেনি হিনা
জাদি দিদে দারু।
ন অলে মুই ঘরত গেলে
বাবাত্তুন হেম ওগোদা
তারে যদি লোই পেলে
ওম এক্কে মোগোদা।
Dated: May 14,2012
